Soggy Doggy aondoka Ebony FM ya Iringa na kuhamia EFM

Mtangazaji wa redio na rapper mkongwe, Anselm Ngaiza aka Soggy Doggy amehamia kwenye kituo cha redio cha EFM cha Dar es Salaam akitokea Ebony ya Iringa.

Soggy amefanya kazi kwa miaka kadhaa akiwa kama mkurugenzi wa vipindi wa Ebony FM hiyo inayosikilizwa zaidi kwenye mikoa ya nyanda za juu za kusini.

Rapper huyo ametweet:

Thanks kwa kila aliyenipa ushirikiano nikiwa Ebony FM Iringa,maisha yanaenda kasi sana na kuna vitu havikwepeki nimeamua kuhamia 93.7 Efm

— Entertainer Soggy (@SoggyDoggyAnter) September 19, 2014

Soggy amewahi kufanya kazi kwenye vituo vingine vya redio vikiwemo Triple A ya Arusha na Radio Free Africa ya Mwanza.