http://www.bongo5.com/wp-content/uploads/2016/10/928X90.gif

Rooney aifukuzia rekodi ya Sir Bobby Charlton kwenye FA



Mchezaji wa Manchester United Wayne Rooney ataanza dhidi ya Reading mechi za raundi ya tatu Kombe la FA.

Muingereza huyo alikosa mechi tatu za Ligi Kuu kipindi cha sikuu ambazo United ilishinda zote baada ya kupata majeraha ya misuli ya paja kwenye mazoezi siku ya Krismasi.

Meneja wa United Jose Mourinho amebainisha kuwa wachezaji hao watacheza katika mechi hiyo itakayopigwa katika uwanja wa Old Trafford, akiongeza kuwa ana kikosi kipana cha kufanya uchaguzi.

Rooney atakuwa anaifukuzia rekodi ya muda wote ya kufunga magoli na huenda akapata fursa ya kuifikia rekodi ya Sir Bobby Charlton mbele ya legendari huyo wa Mashetani Wekundu anayetarajiwa kuushuhudia mchezo huo.

Luke Shaw pia atakuwepo baada ya wiki kadhaa za kupambana kurejea kwenye afya yake na Daley Blind pia atakuwepo kwa mara nyingine baada ya kuikosa West Ham na kipa wa ziada Sergio Romero ataanza katika mchezo wa leo.

Jiunge na Bongo5.com sasa

Usipitwe!! Jiunge nasi kupitia Facebook, Twitter na Instagram ili kupata habari zote za town! Usikose kujiunga na Youtube kuangalia video zote kali kutoka Bongo5!

Add a comment

comments