Prezzo kuhusu penzi la Diva: Bado mahari tu ipo njiani kutoka Mwanza

Apparently watangazaji wa kike wa Clouds FM humchanganya sana Rapcellency, Prezzo. Kama unakumbuka aliwahi kudai kuwa hasemi wala haongei kwa uzuri wa Dj Fetty.

Na sasa word on the street ni kwamba jicho la rapper huyo mwenye asili ya Kenya na Tanzania limetua kwa mtangazaji wa kipindi cha Ala za Roho, Loveness Diva. Wiki iliyopita, Diva alimwalika Prezzo kwenye show yake na huenda ukaribu huo uliongezeka zaidi siku hiyo.

Kwa mujibu wa You Heard ya Clouds FM, Diva na Prezzo ni item.

“Diva siwezi kumwachia bwana, nimwachie nichekwe,” alisema Prezzo.

“Bado mahari tu mshkaji wangu inatoka kutoka Mwanza. Only time can tell, nikikuambia sasa hivi ukweli wangu ntamaliza uhondo. Inaitwa yaani love at first sight, Diva mwenyewe umeshamwona, she is classy yaani she is beautiful,” alisisitiza Prezzo ambaye jina lake ni Jackson Makini.

Hata hivyo Diva amekanusha kwa kudai kuwa yeye na Prezzo ni marafiki tu.