Bongo5 - Cannavaro, Nizar waenda Canada

Sat 13 Mar 2010

Sasa habari zinapatikana kwa kiingereza na kiswahili, chagua lugha upendayo hapo juu

Cannavaro, Nizar waenda Canada

Wachezaji wawili wa Taifa Stars, Nadir Haroub 'Cannavaro' wa Yanga na Nizar Khalfan wa Moro United wanaondoka nchini kesho kwenda Canada ambako watajiunga na klabu ya Vancouver Whitecaps

Wakiwa huko wataichezea timu hiyo,Julai 9 dhidi ya timu ya Toronto FC ambayo pia inashiriki ligi kuu ya huko.

Mkurugenzi wa Kampuni ya LZ Enterprise, Rahim Kangezi (aka Zamunda) alisema alisema kuwa wachezaji wengine wawili, Zahoro Pazi wa Mtibwa Sugar na Abdulrazak Khalfan wa Yanga wataondoka baada ya kukamilika kwa mipango yao.

Kangezi alisema kuwa Pazi ataondoka baada ya wiki mbili wakati Abdulrazak ataondoka baada ya mwezi mmoja au miwili kwenda kwenye majaribio nchini Marekani na timu ya Miami FC.

Alisema kuwa kufanikishwa kwa safari hiyo kumetokana na kutambua mchango wa Rais Jakaya Mrisho Kikwete kukuza michezo.

''Mipango ipo mingi sana na tunaamini, wachezaji wengi watapata nafasi, na kinatachotakiwa sasa ni kufanya bidii ya nguvu na kuweza kufanya vizuri katika majaribio,'' alisema Kangezi.

Wachezaji hao walisema kuwa watajitahidi na wanaamini watafanya vizuri katika majaribio ambayo tayari yanaonekana kuwa, 'wamepata timu'.

Kwa upande wa Pazi, alisema kuwa kuna barua fulani za mipango yake anazisubiri na akifanikisha hayo, ataondoka kwenda huko.

Razak, ambaye ni mdogo wake Nizar anayeichezea Yanga alisema kuwa anaamini nafasi aliyonayo ataitumia vizuri kwani umri wake unamruhusu kufika mbali kisoka na kuwa ngao na tegemeo la taifa.

Comments (1) Add Comment