Mmoja wa majaji aliyeleta mafanikio kwenye mashindano ya kusaka vipaji ya American idol, simon cowell, ataondoka na kujiunga na mashindano aliyoanzisha mwenyewe ya X factor nchini Uingereza. Msimu huu utakuwa wa mwisho kwa Cowell ambaye inasemekana anabadilisha mazingira kusaka maslahi zaidi ingawa awali alikuwa anatengeneza zaidi ya Dola milioni 36 kwa mwaka

American Idol ndiyo iliyowatoa wasanii kama Rubben studdard, Fantasia na Kelly Clarkson

Naibu katibu mkuu wa TLP, Hamad Rajab Tao leo amezindua kitabu  kinachoelezea undani wa mvurugano unaoendelea katika chama hicho kwenye mkutano na waandishi wa habari kwenye ukumbi wa habari maelezo. Kwenye kitabu hicho, katibu ameelezea kashfa zinazomuandama Mwenyekiti wa taifa wa TLP. Ndg Augustine Mrema na kusema kwamba hazina ukweli wowote. Miongoni mwa kashfa hizo ni kubinafsisha nyumba ya chama na kutumia shilingi milioni 15 kununua nyani wa Kampeni

Kocha muingereza Stewart Hall ameielezea nia yake ya kurithi mikoba ya Mbrazil Marcio Maximo kuinoa Taifa Stars. Hall, ambaye ameshawahi kuzifundisha timu za taifa za Trinidad & Tobago na St. Vincent & Grenades na klabu ya India ya Pune FC, amesema hivyo kupitia Uk Press huko ikiwa imebaki miezi michache mkataba wa Maximo kumalizika na amesisitiza umuhimu wa kuwanoa makocha wazalendo ili kuinua soka nchini